شرح قسم بلوكات التحكم في اسكتشوير 

المقدمه 

السلام عليكم عاملين ايه اتمنى يا رب تكونوا بخير في مقاله النهارده هاشرح لكم بلوكات قسم التحكم في اسكتشوير في الحقيقه حبيت ابدا معكم اول ما قال في اول قسم للبلوكات باهم قسم من الاقسام وهو قسم التحكم لان بلوكات اللي موجوده في القسم ده هتلاقيها داخله في اغلبيه المشاريع اللي انت بتنزله او اللي انت بتبرمجيها بنفسك وفي الحقيقه لقيت ناس كثير جدا مش فاهمه البلوكات دي بتعمل ايه او هي اصلا البلوكات ديت احنا استخدمناها ليه فحبيت ان انا اشرح لكم كل بلوك في القسم وافهمك ان كل بلوكه ديت ايه الامر بتاعها وايه المفروض تستخدمها في ايه وما تستخدمهاش في ايه وايه اللي استخدامات الصحيه بتاعت البلوكه وازاي تقدر تستخدم القسم ده بكل اريحيه من غير ما يحتاج شرح من اي جهه ثانيه من غير ما اطول عليكم كثير في المقدمه يلا نبدا الشرح على بركه الله ما تنسوش تصلوا على الرسول محمد عليه افضل الصلاه والسلام 

ما هو قسم البلوكات

عزيز القارئ في هذا القسم سنشرح جميع بلوكات اسكتشوير سنشرح جميع البلوكات الموجوده في سكيتش وير والمضافه ليسكيتش وير بالتفصيل  حتى تصبح محترفا في سكيتشوير

شرح قسم التحكم

اصدقائي اخباركم ايه زي ما هو باين في العنوان هاشرح ان شاء الله النهارده قسم التحكم وزي ما انا قلت ان ده يعتبر من اهم الاقسام اللي موجوده في اسكتشوير يلا نبدا في الشرع  

1. بلوكه repeat

البلوك اللي قدامكم في الصوره ديت اللي هي باسم repeat البلوك دي بنستخدمها لو حابب تنفذ امر اكثر من مره بتبدا تكتب رقم في الخانه اللي جنب الاسم والرقم ده ينفذ الامر اللي انت حاطه في قلب البلوك لغايه ما يخلص عدد المرات اللي انت كاتبها مثال علشان الشرح يبقى واضح

زي ما انتم شايفين كده كاتب في الخانه اللي جنب الاسم رقم اربعه وحاطط في قلب البلوك توست وكاتب في نص طبعا بعد ما اجمع التطبيق لو انا حاطط البلوك ديت في اونكريت هيظهر التوست الموجود فيها اربع مرات ومش هيظهر ثاني طبعا شرط تحط توست تقدر تحط داخلها اي حاجه انت عاوز تعملها وتكتب الرقم اللي انت عاوزه يتكرر فيه الامر اللي انت حاطه في قلب البلوك طبعا البلوك دي تقدر تستخدمها في قلب زر او صوره او في قلب اونكريت تقدر تستخدمها في المكان اللي انت عاوزه .

2.forever

البلوك ديت بتشبه البلوك اللي احنا لسه شرحينها من شويه في تكرار الامور بس الفرق بينها وبين البلوك اللي فوق ان البلوك اللي فوق بتكتب رقم التكرار اما بالنسبه للبلوكه ديت فهي بتتكرر الامر الى ما لا نهايه طول ما التطبيق شغال طول ما هي بتكرر الامر مثال

زي ما انتم شايفين كده انا حاطط توست في قلب البلوك طبعا طول ما التطبيق شغال طول ما التوست هيفضل يكبر طبعا تقدر تستخدم في البلوك اي بلوك ثانيه غير التوست التوست ده تجربه بس مش اكثر كده فهمنا ان البلوكه دي واللي فوق بيتكرروا الاوامر بس واحده فيهم بنكتب لها رقم التكرار والثانيه بتقرر الى ما لا نهايه نخش على البلوك الثالثه.

3.if then

البلوك ديت مهمتها تنفيذ اوامر محدده يعني مثلا انت عامل لتطبيقك كلمه سر بتبدا تضيف في البلوك ديت كلمه السر وتضيف الانتقال للصفحه المستخدم كتب كلمه السر صح هتبدا تنقله كتبه غلط مش هيحصل اي حاجه من البلوكه بتنفذ الامر لمره واحده يعني كتب الامر صح هتبدا تتفاعل كتب الامر غلط هتفضل ثابت تمام طيب نديك مثال على الموضوع ده.

زي ما انت شايف قدامك انا حاطط بلوكات الانتقال من صفحه لصفحه داخل البلوك وكتب لها الامر فوق بانه لو المستخدم كتب في يد التكست كلمه السر اللي هي 12345 انقلوا للصفحه اللي انا محددها له طيب لو كتب اي كلمه سر ثانيه تفضل الصفحه ثابته زي ما هي وما تدخلهوش لاي حاجه ثانيه طبعا البلوك ده لها العديد من استخدامات بس ده كان مثال بسيط.

4.if then

البلوك ديت بتعمل نفس المهمه اللي انا شرحتها في البلوكه اللي فوق بس الفرق بين البلوك ديت والبلوك اللي فوق ان البلوك دي تقدر تنفذ امرين مش امر واحد احنا قلنا في البلوك اللي فوق دي على طول ان البلوك اللي فوق بتنفذ امر واحد لو تم بتبدا تنفذه ما تمش ما بتعملش حاجه اما بالنسبه للبروكه ديت تقدر توديها امرين مع بعض مثال

هنا انا باقول له لو كتب كلمه السر صح واوجه للصفحه الفلانيه طيب لو كتب كلمه سر غلط وجوه لصفحه ثانيه وتقدر تشيل طبعا تقدر تشيل بلولكتين اللي هم تحت اللي هو بيوجهوك لصفحه الخطا وتحط مكانهم توست يقول له ان كلمه السر غلط زي الصوره دي

زي ما انت شايف كده ان انا بدلت البلوكات اللي تحت وحطيت توست وكاتب فيه كلمه السر غير صحيحه طبعا زي ما انتم شايفين كده ان البلوكات اللي احنا شرحناها كلها تقدر تستخدمها في الاف الاستخدامات بس احنا حولنا على قد ما نقدر نديكم امثله بسيطه علشان تقدروا تفهموا البلوكات دي بتشتغل ازاي. 

 وبكده احنا خلصنا الشرح اتمنى يا رب يكون الشرح عجبكم ويكون الشرح بسيط وقدرتوا تفهموه لو شرح عجبكم اكتبوا لي في التعليقات ولو عاوزين اي شروحات ثانيه اكتبوا لي برده بالتعليقات انا باشرح اسكتشوير بالكامل شكرا لكم كان معكم عبد الله من مدونه SK A803